Dyrevelferdsindikatorane og økonomien på garden
Ein ny studie syner god samanheng mellom dyrevelferdsindikatorane og dekningsbidraget.
I ein studie i haust såg vi på samanhengen mellom dei ulike delindikatorane i dyrevelferdsindikatoren og økonomien målt som dekningsbidrag pr. årsku inkludert tilskott. Vi kopla saman data frå Tine Lønsemd-Analyse (TLA) og dyrevelferdsindikatoren i 2019, og enda opp med totalt 459 bruk frå heile landet. Her presenterer vi resultata for kvar delindikator, rangerte etter kor mykje indikatorane påverka dekningsbidraget.